PCB er eitrandi og seint niðurbrótiligt. Tað hópast upp í náttúruni.
PCB kann millum annað viðføra húð- og livraskaðar, og minka um mótstøðuførið ímóti sjúkum og hava árin á hormonskipanina. Kanningar hava eisini víst, at PCB kann ávirka evnini at læra og menningina hjá fólki.
PCB kann hava varandi eiturávirkan á djór, sum liva á landi og í vatni.
PCB hevur verið nógv nýtt sum bjálvingarevni í ravmagnstólum, til dømis í transformatorum og ljóskeldum, men hevur eisini verið nýtt í byggitilfari sum fuguevni - t.d. til vindeygu og í termorútum, framleiddir inntil einaferð seint í 70-árunum.
PCB verður ikki brúkt longur, men kann enn verða leitt út í umhvørvið frá eldri bygningum og, serliga í sambandi við burtubeining, fra brúkslutum, sum innihalda PCB.
PCB verður niðurbrotið sera seint, og hóast evnið ikki verður brúkt longur, er tað ein munandi dálkingartrupulleiki, til dømis í feitum fiski, í grindahvali og øðrum havsúgdjórum og í sjófugli.
 |
Vit tú vita meira? Um tú hevur spurningar um kemisk evni í vørum, so ring til Umhvørvisstovuna, tlf. 342400 ella skriva til okkara á us@us.fo |